İŞİD itkilər verdi

Koalisiya sutka ərzində İŞİD-in mövqelərinə 11 zərbə endirib.

Ölkə.Az Rosbalt agentliyinə istinadən xəbər verir ki, ABŞ və koalisiyanın digər üzv ölkələri ötən sutka ərzində İŞİD-in İraq və Suriya ərazisində yerləşən mövqelərinə 11 zərbə endirib. Bu barədə məlumatı Pentaqon yayıb.

Məlumatda bildirilir ki, zərbələr nəticəsində İŞİD-in müxtəlif bölgələrdəki mövqeləri dağıdılıb və 4 qrup yaraqlı məhv edilib. Zərbələrdən 4-ü Suriya, 7-i isə İraqda həyata keçirilib.

ABŞ 2014-cü ilin avqustunda İŞİD-ə qarşı hərbi kampaniyaya başlayıb. Bu kampaniya İraq və Suriya ərazilərini əhatə edib. Suriyada ABŞ və bir sıra ölkələr bu dövlətin icazəsi olmadan İŞİD-ə qarşı fəaliyyət göstərirlər.

Rəşid Mustafazadə

Ölkə.Az