“Range Rover”a hücum

Paytaxtın Suraxanı rayonunda naməlum şəxslər avtomobilin arxa şüşəsini sındıraraq, maşına külli miqdarda ziyan vurublar. 

Hadisə rayonun Əmircan qəsəbəsi, Zülal Tağıyev küçəsində baş verib. Belə ki, 2 nəfər naməlum şəxs rayon sakini Elxan Səfərova məxsus “Range Rover” markalı avtomobilə girərək maşının saxlanc yerini sındırıb oradakı mobil telefonu, sənədləri və avtomobilin müxtəlif ehtiyat hissələrini oğurlayıblar. Naməlum şəxslərin avtomobilə girdiyini isə zərərçəkmişin qonşusu görüb və bu barədə Elxan Səfərova məlumat verib.

Ümumilikdə zərərçəkənə 2 min manat dəyərində ziyan vurulduğu bildirilir. Elxan Səfərov faktla bağlı ərazi üzrə 31-ci polis bölməsinə müraciət edib. Bölmədən verilən məlumata görə, cinayəti törətməkdə şübhəli bilinən şəxslərin barmaq və avtomobilin salonundakı qan izlərinin nümunələri  götürülüb. Hazırda cinayəti törədən şəxslərin axtarışları davam edir. (kəpəz tv)

Ölkə.Az