Rusiya Permyakovu Ermənistana təhvil verməyəcək

Rusiya erməni ailəsini qətlə yetirən Permyakovu Ermənistana verməyəcək.

Ölkə.az Rusiya mediasına istinadən xəbər verir ki, Gümrüdəki 102-ci Rusiya hərbi bazasının əsgəri Valeriy Permyakov Ermənistan hüquq-mühafizə orqanlarına təhvil verilməyəcək.

Ermənistan prokurorluğunun saytında yer alan bir məlumatda da bu xəbər təsdiqlənib. Məlumata görə, Rusiya konstitusiyasına əsasən bu ölkənin vətəndaşı xarici ölkəyə təhvil verilə bilməz.

Xatırladırıq ki, Rusiyanın Gümrüdəki hərbi bazasının əsgəri Valeri Permyakov həmin şəhərdə bir evə girərək bir ailənin bütün üzvlərini qətlə yetirmişdi. O, erməni ailəsini avtomat silahla güllələmişdi.

Ölkə.az