Asim Mollazadə: \"Bu cür görüşlər müttəfiqliyimizi daha da möhkəmləndirir\"

Xəbər verdiyimiz kimi Azərbaycan prezidenti İlham Əliyev yanvarın 15-də prezident Recep Tayyip Erdoğanın dəvəti ilə Türkiyəyə səfər edəcək.

Səfər çərçivəsində keçiriləcək görüşlərdə Şuranın toplantısı çərçvəsində birgə fəaliyyətlər, iki ölkə arasında əlaqələr və əməkdaşlığın inkişafı müzakirə olunacaq.

Səfər barədə Ölkə.Az-a millət vəkili Asim Mollazadə danışıb. Onun fikrincə,Azərbaycan bütün sahələrdə Türkiyə ilə müttəfiq olduğuna görə, bu cür görüşlər müttəfiqliyi bir az möhkəmləndirir.

"Bildiyiniz kimi Ankarada Azərbaycan və Türkiyə prezidentlərinin iştirakı ilə Azərbaycan-Türkiyə Yüksək Səviyyəli Strateji Əməkdaşlıq Şurasının 4-cü iclası keçiriləcək.Təbii olaraq hər zaman olduğu kimi "bir millət, iki dövlət" düsturu ilə yaşayan iki ölkənin maraqlarına uyğun müvafiq qərarlar qəbul ediləcək. Azərbaycan bütün sahələrdə Türkiyə ilə müttəfiq olduğuna görə, bu cür görüşlər müttəfiqliyi bir az möhkəmləndirir".

Qeyd edək ki, sabah baş tutacaq görüşdə hər iki ölkəni maraqlandıran regional beynəlxalq vəziyyətlə bağlı da fikir mübadiləsinin aparılacağı nəzərdə tutulub.

Fatimə İbrahimova
Ölkə.az