İran XİN: "Karikaturaların yenidən dərc olunması provokasiyadır"
"Qərbin söz azadlığından sui-istifadə etməsi yolverilməzdir"
Ölkə.Az TASS agentliyinə istinadən xəbər verir ki, İran "Charlie Hebdo"da Məhəmməd peyğəmbərin yeni karikaturalarını provokasiya adlandırıb. İran Xarici işlır nazirliyi həftəlik "Charlie Hebdo" jurnalında Məhəmməd peyğəmbərin karikaturalarınln yer almasını pisləyib. Nazirliyin rəsmi nümayəndəsi Mərziyyə Əfxam bunu növbəti provokasiya adlandırıb.
"Biz fransız həftəlik nəşrinin bu provokasiyon addımını müsəlmanların hislərinə toxunduğu üçün pisləyirik. Qərbin söz azadlığından sui-istifadə etməsi yolverilməzdir", - deyə Əfxam Tehranda mətbuat konfransındakı çıxışında bəyan edib.
Çərşənbə günü səhər "Charlie Hebdo" jurnalı Məhəmməd peyğəmbərin karikaturasını yenidən dərc edib və jurnalın növbəti sayı 3 milyon tirajla çap olunub. Qeyd edək ki, bu, ötən həftə nəşrin redaksiyasına 8-i jurnalist olmaqla 12 nəfərin ölümü ilə nəticələnən silahlı basqından sonra buraxılan ilk saydır.
Rəşid Mustafazadə
Ölkə.Az
