Gümrüdə Rusiya konsulluğu yumurta atəşinə tutuldu
Sözügedən aksiyada yüzlərlə Gümrü sakini iştirak edir.
Ölkə.Az "Galatv.am"a istinadən xəbər verir ki, Ermənistanın Gümrü şəhərində Rusiya Baş Konsulluğunun binası istiqamətinə avtoyürüş başlayıb.
Sözügedən aksiyada yüzlərlə Gümrü sakini iştirak edir. Yüzlərlə avtomobil Gümrüdəki 8 saylı hərbi şəhərcikdən Rusiya Baş Konsulluğuna istiqamət götürüb. Onlar Rusiyadan Gümrüdə Avetisyan ailəsinin 6 üzvünü qətlə yetirmiş rusiyalı hərbçi Valeri Permyakovu Ermənistana təhvil verməyi tələb edirlər. Aksiya iştirakçılarından bəziləri Rusiya bayrağını tapdalayıblar. Etirazçılar konsulluq binasını yumurta atəşinə tutublar.
Qeyd edək ki, qətl hadisəsi yanvarın 12-də Gümrüdə, Avetisyan ailəsinin evində baş verib. Qatilin Gümrüdəki 102 saylı Rusiya hərbi bazasında xidmət edən Valeri Permyakov olduğu sübuta yetirilsə də, hərbçi Ermənistan hüquq-mühafizə orqanlarına təhvil verilməyib və istintaq müştərək aparılır.
Rəşid Mustafazadə
Ölkə.Az
