Çavuşoğlu: Rusiya Türkiyəyə verdiyi vədləri yerinə yetirməyib

“Yaxın vaxtlarda nümayəndə heyətimiz Krıma gedəcək”.

Rusiya Krım tatarları ilə bağlı Türkiyəyə verdiyi vədləri yerinə yetirməyib. Bu barədə Türkiyənin XİN başçısı Mövlud Çavuşoğlu deyib.

Söhbət krım-tatar dilinin rəsmi dil elan olunması, Ukrayna tərəfindən öncə verilməyən hüquqalrın təqdim olunması və krım tatarlarının yüksək vəzifələrə təyin olunmasından gedir. Bu barədə Çavuşoğlu “Anadolu” agentliyinə müsahibəsində deyib.

Ölkə.Az-ın oxu.az-a istinadən verdiyi məlumata əsasən, o, həmçinin qeyd edib ki, Ankara Krım tatarlarının hüquqi sahədə vəziyyətinin araşdırılması məqsədilə Krıma nümayəndə heyəti göndərməyi planlaşdırır.

“Yaxın vaxtlarda nümayəndə heyətimiz Krıma gedəcək”, o bildirib. XİN başçısı əlavə edib ki, bu məsələ Rusiya hakimiyyəti ilə razılaşdırılıb.

Çavuşoğlu qeyd edib ki, Türkiyə Ukraynada böhranın aradan qaldırılması və Moskva və Kiyev arasında dialoqun qurulması üçün səylərini əsirgəmir. Krımda təxminən 260 min krım tatarı yaşayır.

Ölkə.Az