İtən deputatlar tapıldı

Rusiya Dövlət Dumasının Antarktidada itən deputatları ilə əlaqə yaratmaq mümkün olub. 

Aleksandr Sidyakin və Oleq Savçenko ilə onların səyahətini təşkil edən tur şirkətinin nümayəndələri telefon  vasitəsilə danışıblar.  

“Qarşılıqlı əlaqə əldə olunub. Zirvəyə dırmanma cədvələ uyğun olaraq davam etdirilir. Əgər hər hansı fövqəladə vəziyyət yaransaydı sığorta vasitəsilə xilasetmə əməliyyatı aparılardı”-deyə “7 zirvə” tur operatorunun meneceri açıqlama verib. O, hazırda həmin ərazidə havanın temperaturunun mənfi 45 dərəcə olduğunu da qeyd edib. 

Qeyd edək ki, daha əvvəl Sidyakinin mətbuat katibi Şklyançuk millət vəkilləri artıq 1 sutkadan çoxdur ki, əlaqənin itdiyi barədə məlumat vermişdi. 

Aleksandr Sidyakin və Oleq Savçenko qitənin ən hündür zirvəsi-Vinsona (4897 metr) çıxmaq niyyətindədirlər. Onlar həmin hündürlükdə Rusiyanın bayrağını dalğalandıracaqlar. (qafqazinfo)

Ölkə.Az