Fransua Olland: "İraq həm də hərbi dəstəyə ehtiyac duyur"

"Beynəlxalq ictimaiyyət İraqa "İslam Dövləti" terror qruplaşması ilə mübarizədə yardım etməyə tələsməlidir."

Olke.Az РИА "Новости"-yə istinadən xəbər verir ki, bu barədə Fransa prezidenti Fransua Olland bildirib. O, bu fikirləri ölkədə mövcud vəziyyətlə bağlı təşkil olunmuş beynəlxalq konfransın açılışında deyib.

""İslam Dövlətindən" gələn təhlükə qlobal xarakter daşıyır, deməli ona cavab da qlobal olmalıdır. Bu məsələdə itiriləcək vaxt yoxdur. İraqın humanitar yardıma ehtiyacı var, şəxsən mən ötən cümə günü təhlükədən qorunmaq məqsədilə öz evlərini tərk etmiş sakinlərin əzablarının şahidi oldum. Humanitar yardımın çatdırılmasını təmin etmək lazımdır. Lakin İraq həm də hərbi dəstəyə ehtiyac duyur. İraqın dostları kömək etmək üçün gücləri birləşdirməlidirlər."- deyə Beşinci respublika prezidenti bildirib.