Türkiyə mediası İlham Əliyevin möhtəşəm qarşılanmasından yazdı

Qədim Türk dövləti əsgərləri İlham Əliyevi qarşılayıb.

Ölkə.Az xəbər verir ki, Türkiyə mətbuatı İlham Əliyevin möhtəşəm qarşılanma mərasimindən yazıb. Hürriyət qəzeti prezidentin səfəri barədə xəbər yayıb.

İlk öncə Azərbaycan prezidenti avtomobillə Prezident sarayına süvari birliklərin müşayəti ilə gəlib. Ölkə başçıları salamlaşdıqdan sonra onlara ayrılmış yerdə dayanarkən 21 dəfə top atışlarının müşayəti ilə dövlətlərin himnləri çalınıb.

Qəzetdə bildirilir ki, Azərbaycan Prezidenti İlham Əliyevin qarşılama mərasimində 16 Türk dövlətinin əsgərləri bu dəfə çöldə olublar. Mərasimdə daha bir ilk yaşanıb. Belə ki, Ərdoğan İlham Əliyevi qarşılamaq üçün fəxri qarovulun qarşısından keçəndə "Diriliş marşı" çalınıb. Prezident Sarayında təşkil edilən qarşılanma mərasimində 16 türk dövlətini təmsil edən əsgərlərin yer alması geniş müzakirələrə səbəb olub. Əsgərlər tarixi geyimlərdə 16 türk bayrağını daşıyıblar.

Xatırladaq ki, ötən günlərdə Fələstin dövlət başçısı Mahmud Abbası qarşılama mərasimində də daha bir ilk yaşanmışdı. Prezident Rəcəb Tayyib Ərdoğan və Mahmud Abbas 16 Türk dövlətini təmsil edən əsgərlərin olduğu nərdivanın qarşısında görüşərək jurnalistlərə poza vermişdilər. Bu fotoşəkil Türkiyənin gündəminə damğa vurmuşdu.