Roma Papası: "Anamı söysə, yumruq yeyəcək"

Roma Papası dinin təhqir edilməsinin yolverilməz olduğunu deyib.

Ölkə.Az "NBC News"a istinad edərək xəbər verir ki, Roma Papası Fransisk Fransa teraktı və "Charlie Hebdo" həftəlik nəşrinin jurnalistlərinin qətlə yetirilməsini şərh edib. Fransiskin fikrincə, söz azadlığı dini təhir etməyə haqq vermir.

"Heç kim başqalarıni provokasiya edə, onlarının dinini təhqir edə və ya gülüş hədəfinə çevirə bilməz. Bu həqiqətdir ki, biz zorakılıqla reaksiya verə bilmərik, ancaq, misal üçün, əgər doktor Qasparri (Pontifikin köməkçisi), mənim böyük dostum anamın ünvanına söyüşlər işlədərsə, yumruq yeyəcək", - deyə Roma Papası qeyd edib.

O, əlavə edib ki, hər bir din ləyaqətə malikdir və söz azadlığı ümumi mənafeyə xidmət etmək üçündür.

Rəşid Mustafazadə

Ölkə.Az