Azərbaycan-Slavyan Gəncləri Assosiasiyası ABŞ əleyhinə bəyanat yaydı

Son son aylar ABŞ-da bir sıra dövlət qurumları, dövlət institutları Azərbaycanla bağlı qərəzli, həqiqəti əks etdirməyən bəyanatlar səsləndirirlər.

Məsələ ilə bağlı Azərbaycan-Slavyan Gəncləri Assosiasiyasının sədri Səbuhi Abbasov münasibət bildirib. S. Abbasov ABŞ-ın bəzi qurumlarını lobbilərin himayəsinə keçdiyini bildirdi:

“Hesab edirəm ki, son bir ildə dünyada baş verən geosiyasi proseslər onu göstərir ki, Böyük güclər dünya düzəninə nəzarət etmək iqtitarında deyillər. Bu ölkələr inkişaf etməkdə olan və az inkişaf etmiş ölkələri öz cılız maraqlarına “xərcləməyi” məqbul hesab edirlər. Demokratiya, insan hüquqları, azad rəqabət və digər humanizm anlayışları yalnız dildə və sənəddə qalıb. Ən təhlükəli məqam isə bu siyasətdə din faktoru əsas istifadə aləti olub. Ərəb ölkələrində baş verən proseslər, son Ukrayna hadisələri bir daha onu göstərdi ki, dünya yaxın gələcəkdə ciddi böhranla üz-üzə qalacaq. Təəssüflə qeyd etməliyik ki, bu siyasət ölkəmizə qarşı da yürüdülür. Son 2 ildə ABŞ-ın bəzi qurumlarının, institutlarının, hətta keçmiş diplomatlarının hazırladıqları hesabatlar təsadüfi deyil. Lakin bu ölkələr bir şeyi unudurlar ki, Azərbaycan nə Ukrayna, nə də ərəb ölkələri deyil. Azərbaycanda xalq-hökümət birliyi var. Ölkə Prezidentinin apardığı siyasət birmənalı şəkildə sağlam gəncliyin yetişməsinə hesablanıb. Lakin biz Azərbaycan gəncliyi olaraq dünya gəncləri ilə dost münasibətində qalmaq ,əməkdaşlıq etmək niyyətindəyik. Azərbaycan beynəlxalq konvensiyaları əsas tutaraq bütün öhəliklərə uğurla əməl edib və etməkdədir. Əgər ABŞ və digər supergüclərin niyyəti başqadırsa, mən bunu denonsasiya hesab edirəm”.

Ölkə.az