Con Kerri üzr istədi

Kerri Parisdə Həmrəylik yürüşündə iştirak etmədiyinə görə üzr istəyib.

Ölkə.Az "Agence France-Presse"a istinadən xəbər verir ki, ABŞ Dövlət katibi Con Kerri Parisdə terror qurbanlarının xatirəsinə həsr olunmuş Həmrəylik yürüşündə iştirak etmədiyi üçün üzr istəyib. Bu barədə Fransanın XİN rəhbəri Loran Fabius məlumat yayıb. ABŞ Dövlət katibi Fransa paytaxtına yalnız 15 yanvarda çatıb. Kerri və Fabius bir neçə şəxsin girov götürüldüyü mağazaya gələrək qırmızı qızılgül, qərənfil və ağ zanbaqlardan ibarət yas əklillər qoyublar.

Bir müddət öncə Kerri bəyan etmişdi ki, Hindistana səfəri və Pakistana planlaşdırılmamış ziyarətinə görə Həmrəylik yürüşündə iştirak edə bilməyib.

Rəşid Mustafazadə

Ölkə.Az