Muarem Muarem "Qarabağ"da qaldı

"Qarabağ"la Türkiyənin "Eskişehirspor" klubu arasında aparılan transfer danışıqları başa çatıb.

Ölkə.Az-ın Fanat.az-a istinadən yaydığı xəbərə görə, tərəflər Muarem Muaremin transferində analaşa bilməyib.

"Eskişehirspor" makedoniyalı futbolçu üçün "Qarabağ"a 100-150 min dollar məbləğində təklif irəli sürüb. Lakin "Qarabağ" bu məbləğlə razı olmayıb və bu transfer üçün daha çox təzminat istəyir.

Bundan başqa, "Eskişehirspor" təklif etdiyi məbləği birbaşa ödəmək niyyətində deyil. Bank təminatı təqdim edən türklər məbləği hissə-hissə ödəmək istəyir. "Qarabağ" isə bununla razılaşmayıb və razılaşdırılacaq məbləğin birbaşa bank hesabına ödənilməsini tələb edir.

Tərəflər anlaşa bilmədiyi üçün Muaremin "Qarabağ"da qalacağı dəqiqləşib. Çoх az bir ehtimal var ki, transfer yenidən gündəmə gəlsin. Bu gün klublar arasındakı danışıqlar prosesində son gündür. "Eskişehirspor"un bu gün yeni təklif irəli sürə bilər.

Ölkə.Az