\"Tarqovı\"dakı məşhur mağazada maaş davası

Bu gün Bakının Nizami küçəsində əlbəyaxa dava baş verib. 

Ölkə.Az-ın hadisə yerində olan əməkdaşının verdiyi məlumata görə, "Tarqovı"dakı "Bambi" ayaqqabı mağazasında bir qrup şəxs arasında anlaşılmazlıq dava ilə nəticələnib. Tərəflər arasındakı insidentə səbəb isə "Bambi" mağazasının sahibəsinin xanım işçisinə 3 ay maaş verməməsi olub.

Satıcı xanım isə anası və həyat yoldaşı olduğu ehtimal edilən şəxs ilə birlikdə mağaza sahibindən öz haqlarını tələb etdikdə, rədd cavabı alıblar. Məsələ bundan sonra daha da kəskinləşərək əlbəyaxa dava ilə nəticələnib. Davanı sakitləşdirmək üçün mağazanın digər işçiləri araya girib.

Ölkə.Az