Əcnəbiyə qarşı quldurluq edən keçmiş məhkumun cinayət işi
Bakı Ağır Cinayətlər Məhkəməsində əcnəbi vətəndaşa qarşı quldurluq edən rus millətindən olan keçmiş məhkumun məhkəməsi başlayır.
“Ölkə.Az”ın məlumatına görə, cinayət məcəlləsinin 181.2.5 (quldurluq) maddəsi ilə təqsirləndirilən Çekunov Viktor Aleksandroviçin məhkəmə prosesinə hakim İradə Həsənzadə sədlik edəcək.
İttiham aktına görə, bu ilin aprel ayında Viktor Çekunov Rusiya Federasiyasının vətəndaşı olan Tamerlan Mustafayevə qarşı quldurluq edib. Belə ki, Nəsimi RPİ 22-ci PŞ əməkdaşlarının keçirdikləri əməliyyat tədbirləri nəticəsində aprelin 26-da əcnəbi vətəndaş Tamerlan Mustafayevi kəsici alətlə hədələyərək mobil telefonunu, 1800 manat pulunu almaqda şübhəli bilinən Bakı şəhər sakini, əvvəllər məhkum olunmuş Viktor Çekunov saxlanılıb.
