Ukrayna Rusiya qarşısında şərtlər qoydu

Ukrayna Rusiyaya qarşı sanksiyaların ləğv olunmasının şərtlərini açıqlayıb.

Ölkə.Az-ın "Aİ Plüs"a istinadən verdiyi xəbərə görə, Ukrayna hesab edir ki, Rusiyaya qarşı Avropa İttifaqının sanksiyalarını yalnız o halda ləğv etmək olar ki, rəsmi Moskva zərərə görə təzminat ödəməyə razı olsun. Burada söhbət Krım və Donbasda baş verənlər zamanı yetirilən zərərdən söhbət gedir.

Bu barədə bu gün Avropa İttifaqı ölkələrinin xarici işləri arasında keçirilən iclasda Ukrayna hökumətinin yaydığı mövqeyini açıqlayan sənəddə deyilib. Ukrayna tərəfi bildirir ki, bu gün Avropa İttifaqında Rusiya ilə əməkdaşlığın başlanmasına dair hər hansı müzakirələrin aparılması üçün əsaslar yoxdur, çünki Moskva beynəlxalq hüquq prinsiplərinin fundamental normalarına əməl etmir. Bununla yanaşı, Kiyev əmindir ki, sanksiyaların gələcəkdə ləğv edilməsinə doğru iki paketə bölünməsi Donbasda münaqişənin dondurulmasıvə Krım probleminin uzun müddətə blok olunması ilə nəticələnəcək.

Bu gün Avropa İttifaqı üzv-ölkələrinin xarici işlər nazirləri Brüsseldə Rusiya ilə münasibətlərin yeni strategiyasını müzakirə etməyi planlaşdırır.

Bir müddət öncə Aİ-nin birgə xairici siyasət və təhlükəsizlik siyasəti üzrə ali nümayəndəsi Federika Mogerini Rusiyaya qarşı sanksiyaların tədricən ləğv edilməsi və siyasi dialoqun bərpa edilməsini özündə əks etdirən təkliflərini təqdim etmişdi.

Rəşid Mustafazadə

Ölkə.Az