Dünyanın ən xoşbəxt insanları belə yaşayır

Sivilizasiya bəşəriyyət üçün çox yaxşıdır. Amma bəzi hallarda xoşbəxtlik maddi dəyərlərdə deyil.

“Ölkə.Az” xəbər verir ki, məhz bu səbəbdən Amazon çayının axarında, müasir Braziliya ərazisində yaşayan Piraxa qəbiləsinin sakinləri dünyanın ən xoşbəxt insanları sayılır.

Hazırda qəbilənin 450 üzvü var. Onlar hər şeylə özlərini təmin edirlər və bu səbəbdən digər qəbilə və sivilizasiya ilə əlaqə qurmurlar. Bununla yanaşı qəbilə sakinləri aqressiv deyillər və onların həyatı ilə maraqlanan adi turist, alim və jurnalistləri qonaq edirlər.

Piraxa qəbiləsində ierarxiya yoxdur və ailə, digər sosial-mənəvi şərtlər də mövcud deyil. Kənddə olan hər şey qəbilənin bütün sakinlərinə məxsusdur.

Qəbilə üzvləri hər yeddi ildən bir adını dəyişir. Bunun səbəbi isə şər qüvvələrdən qorunmaqdır. Onlar ölümdən və xəstəlikdən qorxmurlar. Əgər kimsə xəstələnirsə və ölürsə, deməli bələ lazım imiş. Onlar üçüm yuxu reallığın davamıdır. İstəyəndə bir az yatmaq lazımdır. Onlar qida tədarükü görürlər və anla yaşayırlar.

Piraxa qəbiləsi üzvlərinin gələcəyi və keçmişi yoxdur. İndiki dövrü var. Tədqiqatçıları qəbilənin dili çox maraqlandırır.

Çünki Piraxa qəbiləsinin dilində zaman, hallanma və cinslər yoxdur. Eyni zamanda bu dilin qramatikasında say və sifət də yoxdur. Dil özü 3 sait və 7 samitdən ibarətdir.