Estoniya prezidenti Rusiyanı ittiham etdi

"Mən növbəti cinayətdən şoka düşdüm..."

Ölkə.Az ERR agentliyinə istinadən xəbər verir ki, Estoniya prezidenti Toomas Hendrik İlves Volnovaxa faciəsinin məhz Rusiyanın günahı üzündən baş verdiyinə əminliyini bildirib. O, müvafiq fikrini Ukrayna səfirliyinin açdığı başsağlığı kitabında qeyd kimi yazıb.

"Mən növbəti cinayətdən şoka düşdüm. Çünki heç bir günahı olmayan dinc vətəndaşlar qətlə yetirilmişdi", - deyə İlves bildirib.

Onun sözlərinə görə, o, separatçıların bu dəhşətli cinayətini pisləyir.

Xatırladaq ki, 13 yanvarda Volvovaxa yaxınlığında Buqas kəndində yerləşən nəzarət-keçid məntəqəsində "Zlatoustovka-donetsk" sərnişin avtobusunun atəşə tutulması nəticəsində 12 nəfər ölmüş, 16 nəfər isə yaralanmışdı.

Rəşid Mustafazadə

Ölkə.Az