Sabirabadda yük maşını traktora çırpılıb, 1 nəfər xəsarət alıb

"Ölkə.Az" xəbər verir ki, hadisə bu gün axşam saatlarında rayonun Nəsimi kəndi ərazisində qeydə alınıb. 

Belə ki, kənd sakini, 1971-ci il təvəlüdlü Məmmədov İntizar Şulu oğlu idarə etdiyi traktorla hərəkətdə olarkən arxadan gələn “Shaqman” yük maşını ona çırpılıb. Nəticədə müxtəlif dərəcəli bədən xəsarətləri alan traktorun sürücüsü Şirvan Şəhər Mərkəzi Xəstəxanasına çatdırılıb.

Faktla bağlı araşdırma aparılır.

Ölkə.Az