İraqın baş naziri: \"İŞİD lideri yaralanıb\"

"...lakin müəmmalı şəkildə sağ qalıb"

Ölkə.Az-ın TASS agentliyinə istinadən verdiyi xəbərə görə, İraqın baş naziri Heydər əl-Abadi bəyan edib ki, İŞİD başçısı Əbu Bəkr əl-Bağdadi yaralanıb.

"İŞİD lideri Əbu Bəkr əl-Bağdadi İraqın hava zərbəsi nəticəsində El-Qaimədə (suriya-iraq sərhədində yerləşən şəhər) yaralar alıb, lakin müəmmalı şəkildə sağ qalıb", - deyə əl-Abadi bəyan edib.

Bir müddət öncə bildirilmişdi ki, kanadalı hərbçilər İraqda İŞİD yaraqlıları ilə ilk atışmaya başlayıblar. Komandanlıq qeyd edib ki, bu döyüş Qərb ölkələrindən olan əsgərlərin İŞİD islamçıları ilə yerli ərazidə ilk toqquşması hesab edilə bilər.

Rəşid Mustafazadə

Ölkə.Az