Cəmil Çiçək: Dünya ölkələri terrorla birgə mübarizə aparmalıdırlar

Dünya ölkələri terrorizmlə birgə mübarizə aparmalıdırlar. Çünki terrorla mübarizə təkcə ayrıca götürülmüş bir ölkənin işi deyil.

Bunu Türkiyə parlamentinin spikeri Cəmil Çiçək deyib.

Onun sözlərinə görə, dünya ölkələri terrorizmlə təkbaşına mübarizə aparmağa qadir deyillər.

Spiker qeyd edib ki, son vaxtlar regionda baş verən hadisələr dünyanın bütün dövlətlərini narahat etməlidir.

Cəmil Çiçəyin sözlərinə görə, Türkiyə 30 ildən artıq bir dövrdə terrorla üzləşdiyindən, onun təhlükəsini də çox gözəl anlayır.

Çiçək deyib: “Bu gün regionda “İslam Dövləti” və Kürdüstan Fəhlə Partiyası kimi bir neçə terrorçu təşkilat fəaliyyət göstərir”.(Trend)

Ölkə.Az