20 Yanvar günü "Park Cinema"da yayılan komediya filminin produseri danışdı

"Biz bir neçə gün öncə Park Cinemaya xəbərdarlıq etmişdik ki, həmin gün film yayınlanmasın"

Xəbər verdiyimiz kimi ümummilli hüzn günü "Park Cinema" tamaşaçılara komediya janrında çəkilmiş "Xoxan" filmini təqdim edib.

İnsanların etirazına səbəb olan bu hadisə barədə Ölkə.az-a elə sözügedən filmin baş prodüseri danışıb:

"Park Cinema"da həmin gün "Xoxan" filmi yayımlanmamalıdır. Çünki biz bir neçə gün öncə xəbərdarlıq etmişdik ki, həmin gün film yayınlanmasın. 20 Yanvar günü bizim filmin yerinə Vahid Mustafayevin "Qanlı Yanvar" filmi nümayiş olunmalı idi."

Prodüserin sözlərindən belə çıxır ki, ümummilli matəm günündə komediya janrında filmin nümayiş etdirilməsində maraqlı və günahkar elə "Park Cinema" rəhbərliyidir.

Qeyd edək ki, millət vəkili Fuad Muradov mövzu barədə öz facebook səhifəsində hiddətləndirilmiş status da yazmışdı.

Zəruri qeyd: Bu barədə ilk məlumat Azxeber.com xəbər portalında yayılıb.

Ölkə.az