Azərbaycanlı tələbələr Romada 20 Yanvarla bağlı fleşmob keçirdi

ASN romada 20 Yanvarla bağlı tedbir keçirib.

Ölkə.Az xəbər verir ki, "Azerbaijan Student Network" Romada ilk tədbirini 20 Yanvar Qətliamıla bağlı keçirib. Həyata keçirilən fleşmob həm xarici turistləri, həm də yerli İtalyan sakinlərinin marağına səbəb olub. ASN-in əsas məqsədi 20 Yanvar hadisələrini Avropaya çatdırmaqla yanaşı, bunu modern, hazırkı nəslin daha tez, daha asan qavrayacağı şəkildə həyata keçirməkdir.

Bu məqsədlə turistlərin diqqətini cəlb etmək və onlarda maraq yaratmaq üçün fleşmob ən məşhur və insanlarla dolu olan kuçələrindən birində - "Via del Corso"da baş tutub. Layihədə flaşmob olaraq “street art”a geniş yer verilməsinin də öz səbəbləri oldu.

ASN-dən bunu Romanın mədəniyyətin beşiyi və bir romali üçün art, şəkil, yaradıcılığın ayrılmaz tərkib hissəsi olması ilə izah ediblər.

"Bu şəkil sənətin daha kreativ formada “Iphone Weather Forecast”- proqramının üz qabığına edilmiş improvizasiyalarla çatdırmağa çalışdıq. Belə ki, iki yan-yana verilən şəkildə biz həm keçmişimizi, 20 Yanvar gününü və orada şəhid olan həmvətənlərimizi, eyni zamanda bu gün rahat ve müstəqil yaşamağımızı havanin günəşli və parlaq olmasını əks etdirən şəkillərlə göstərməyə çalışdıq. 2 şəkil arasinda kəskin fərq bu 25 ilde yaşananların qısa icmal xarakterini daşıyır. Bu müddət ərzinde də tədbirə maraq göstərən yerli sakinlərə, italyan ve xarici turistlərə kiçik broşürlar paylandı. Bundan əlavə, baş verənlər barədə italyan və ingiliscə ətrafli məlumat verildi", - deyə "Azerbaijan Student Network"dan bildiriblər.

Ölkə.Az olaraq Romada 20 Yanvar faciəsinə həsr olunmuş fleşmobdan bəzi görüntüləri təqdim edirik:

Rəşid Mustafazadə