İqtisadçı: "Azərbaycan Avropanın mavi qaza olan tələbatını ödəməsə də, əhəmiyyətli paya malikdir"

Avropa İttifaqı diplomatiyasının rəhbəri Federika Mogerini Rusiyadan enerji asılılığına son qoyulması üçün tədbirlər həyata keçirməsi ölkəmizdə təsirsiz ötüşməyib.

Bəs Rusiyadan enerji asılılığına son qoyulması Azərbaycan üçün nə vəd edir?

"Enerji təhlükəsizliyinin formalaşdırılmasında birmənalı şəkildə Azərbaycanın rolu kifayət qədər yüksəkdir. Və nəzərə almaq lazımdır ki, hazırda Azərbaycanın dəstəyi ilə TANAP və TAP layihəsi reallaşır. TANAP layihəsi Azərbaycanın mavi qazının Türkiyə sərhədinə çıxaracaq. Eyni zamanda TAP kəməri vasitəsilə Azərbaycan qazı Avropa bazarına da çıxacaq. Birinci mərhələdə TAP layihəsi ilə Avropaya 10 milyard kub/metr mavi qaz, daha sonra isə bu rəqəmin 30 milyarda qədər qalxacağı nəzərdə tutulur. Bu ondan xəbər verir ki, əslində Azərbaycan Avropanın mavi qaza olan tələbatını ödəməsə də, bu bazarda əhəmiyyətli paya malikdir. Avropanın Rusiyaya tətbiq etdiyi sanksiyaları nəzərə alsaq, gələcəkdə Avropada mavi qaza olan tələbatın digər kənar mənbələr hesabına ödənilməsinə ehtiyac olacaq. Sözsüz ki, Azərbaycanı bu aspekdən aparıcı ölkə hesab etmək olar. Növbəti mərhələdə məhz Azərbaycanın Avropa Enerji Məsələlərinin formalaşmasında rolunun artırılmasını həyata keçirilək. Və bu gələcəkdə də Azərbaycanın Avropa məkanında rolunun və mövqeyinin güclənməsinə gətirib çıxardacaq".

Qeyd edək ki, Avropa İttifaqının liderləri Avropa Komissiyasına Enerji İttifaqının yaradılması haqda 2015-ci ilin martına qədər qanun layihəsi təqdim etməyi tapşırıblar.

Ölkə.az