İŞİD əsirinin anası məktub yazdı

Ana İŞİD-ə məktub yazıb.

Ölkə.Az xəbər verir ki, İŞİD əsirliyində olan yaponiyalı jurnalist Kendzi Qotonun anası terrorçu qruplaşmaya açıq məktub yazıb. O, məktubda oğlunun azad olunmasını xahiş edib və bildirib ki, Kendzi İŞİD düşməni deyil. Ananın sözlərinə görə, o, həmişə reportajlarını bitərəf mövqedən aparıb.

"Kendzi həmişə deyirdi ki, qaynar nöqtələrdə uşaqlara yardım etmək istəyir. Yaponiya heç vaxt islam ölkələri ilə düşmənlik etməyib və hər zaman dostluq münasibətləri saxlayıb", - deyə jurnalistin anası vurğulayıb.

"Yaponiya hökuməti! Kendzini xilas edin!", - deyə ana yazıb.

Xatırladaq ki, çərşənbə axşamı bildirilirdi ki, İŞİD terror qruplaşması Yaponiyanın iki vətəndaşının azad olunması üçün 200 milyon dollar tələb edib. Döyüşçülər bəyan edib ki, əgər 72 saat sonra məbləğ verilməsə, girovlar edam olunacaq.

Rəşid Mustafazadə

Ölkə.Az