BMT: Müharibə nəticəsində 1,5 milyon ukraynalı qaçqın vəziyyətinə düşüb

Ölkə.az BMT-nin Humanitar məsələlər üzrə koordinasiya idarəsinin rəsmi saytına istinadən xəbər verir ki, Ukraynada davam edən konflikt nəticəsində bu ölkənin 1,5 milyon nəfəri qaçqın vəziyyətinə düşüb.

Koordinasiya idarəsinin dərc etdiyi hesabatda bildirilir ki, müharibə nəticəsində dağılan infrastruktur insanların ölməsinə və sağ qalanların küçədə qalmasına gətirib çıxarır. Çətin qış şəraiti nəzərə alınsa, qaçqınların vəziyyətini başa düşmək o qədər də çətin olmaz.

Hazırda Ukraynanın müharibə gedən Donbas bölgəsi ilə sərhəd vilyatlərində 921 640 nəfər qaçqının rəsmi qeydiyyatda olduğu bildirilir. Məlumata görə daha 600 000 qaçqın Ukraynanın Kiyev kimi böyük şəhərlərinə dağılışıb.

Ölkə.az