Obama terror sammiti keçirir
ABŞ prezidenti Barak Obama tərəfindən Vaşinqtonda terror hədələri ilə bağlı növbəti sammit təşkil olunacaq.
Bunu İsveçrənin Davos şəhərində keçirilən ənənəvi Dünya İqtisadi Forumunda liderlər qarşısında çıxış edən Con Kerri bildirib və ekstremizmə qarşı mübarizədə uzunmüddətli strategiyasını açıqlayıb.
O, buraya etibarlı idarəçilik, iqtisadiyyatla yanaşı, siyasi elmi inkişafın, həmçinin İraqda və Suriyada "İslam Dövləti" yaraqlılarına qarşı beyləlxalq koalisiyanın səylərinin daxil olduğunu vurğulayıb: "Dünya qarşıdakı həftələrdə Yəmən, Şimali Afrika, Somali və Nigeriyada sabitlik və təhlükəsizliyin bərpası üçün birlikdə iş görməlidir."
Dövlət katibi qarşıdakı günlərdə Nigeriyaya səfər edəcəyini deyib: "Zorakı ekstremizmə qarşı mübarizənin qərarı döyüş meydanlarında deyil, sinif otaqlarında, dini mərkəzlərdə veriləcək." (anspress)
Ölkə.Az
