Ronaldo rəqibini təpiklədi

"Real"ın futbolçusu Kriştiano Ronaldo üçün İspaniya La Liqasında "Kordoba"ya qarşı matç əlamətdar olub. 

Portuqaliyalı hücumçu bu görüşlə klub karyerası ərzində 600-cü oyununa çıxıb.

Ancaq sözügedən matç K.Ronaldo üçün uğurlu olmayıb. O, qarşılaşmanın 82-ci dəqiqəsində rəqib futbolçulardan birinin ayağına təpiklə vurub, digərini isə sifətindən itələyib. K.Ronaldo bu hərəkətlərinə görə qırmızı vərəqə alaraq meydandan qovulub.

Qeyd edək ki, "Kordoba" - "Real" görüşü qonaqların 2:1 hesablı qələbəsi ilə başa çatıb. (qol.az)

Ölkə.Az