Narkotik satıcıları tutuldu

Balakəndə narkotik vasitələrin qanunsuz dövriyyəsi ilə məşğul olan şəxs həbs edilib. 

Balakən Rayon Polis Şöbəsindən (RPŞ) verilən məlumata görə, rayonun Sarıbulaq kənd sakini, 1981-ci il təvəllüdlü Zaur Əziz oğlu Barxalovun evində narkotik vasitə saxladığı barədə Balakən RPŞ-ə məlumat daxil olub. 

Daxil olmuş məlumat əsasında keçirilmiş əməliyyat-axtarış tədbiri nəticəsində Zaur Barxalovun yaşadığı evdən küllü miqdarda - 722,46 qram qurudulmuş marixuana aşkarlanaraq götürülüb.

Faktla bağlı cinayət işi başlayıb, Zaur Barxalov barəsində Balakən Rayon Məhkəməsi tərəfindən həbs-qətimkan qərarı çıxarılıb.

Qeyd edək ki, Balakən RPŞ əməkdaşlarının son iki gün ərzində keçirdikləri əməliyyat-axtarış tədbirləri nəticəsində bu fakt daxil olmaqla narkotik vasitələrin qanunsuz dövriyyəsi ilə məşğul olan 6 Balakən rayon sakini tutularaq istintaqa təhvil verilib. (APA)

Ölkə.Az