Misir inqilabının ildönümündə 11 nəfər öldürüldü
2 nəfər polis isə bomba partlayışından yaralanıb
“Reuters”in xəbərində deyilir ki, bazar günü Misirdə 2011-ci il inqilabının 4-cü ildönümü ilə bağlı demokratiya tərəfdarlarının mitinqində 11 nəfər öldürülüb. Bomba partlayışı səbəbindən isə 2 nəfər polis yaralanıb. Prezident Hüsnü Mübarəkə qarşı qalxmış inqilabçılar o vaxt əsasən iki hissəyə bölünmüşdü. Onların bir hissəsi Misiri demokratik dəyişikliklərə sələyirdi. “Müsəlman Qardaşları“ təşkilatı isə Misirdə şəriət qanunları ilə idarə olunan dövlət qurmaq istəyirdilər.
“Müsəlman Qardaşlar“ demokratları üstələdi. Onlar prezident seçkisində öz namizədləri Məhəmməd Mursinin qalib gəlməsini təmin edə bildilər. Ancaq onun prezident seçilməsi xalqı arasında ölkənin gələcəyi ilə bağlı mübahisələri daha da gücləndirdi. Bundan istifadə edən ABŞ Misirdə yenidən özünə sadiq ölan hökumətin formalaşmasına nail oldu. Əsasən ABŞ-a sadiq zabitlərin nəzarətində olan Misir ordusu yenidən məsuliyyəti öz üzərinə götürdü. Misirin keçmiş müdafiə naziri Abdel Fattah as-Sisi prezident olaraq iqtidara gətirildi. Faktiki olaraq, Hüsnü Mübarək erası yeni formada davam etməyə başladı.
Agentlik qeyd edir ki, əvvəlki illərdə də inqilabın ildönümünü qeyd etməyə göstərilən cəhdlər çoxsaylı insan ölümü ilə müşayət olunmuşdu. Bu il isə hərbçilər ölkədə mitinqlərin keçirilə biləcəyi bütün əraziləri əvvəlcədən nəzarətə götürmüşdü. (musavat)
Ölkə.Az
