Robbi Uillyams türk arvadı üçün Topqapı sarayı tikdirdi
“Ölkə.Az” xəbər verir ki, məşhur müğənni türk həyat yoldaşı Ayda Field üçün Kaliforniyadakı malikanəsində Topqapı sarayındakı “Validə Sultan köşkü”nün eynisini inşa etdirib.
O, bunu üçüncü uşağını doğan arvadına hədiyyə etdiyini bildirib. Cütlük 2010-cu ildə evlənib. Onların Teadora, Şarlton və Kolett adlı qız övladları var.
Məlum olub ki, Ayda “Validə Sultan köşkü”nü 2015-ci ildə görüb və çox bəyənib. Robbi isə Beverli Hills səmtindəki malikanəsində bu köşkün eynisini inşa etdirib.
Bu ona 1 milyon dollara başa gəlib. 12 nəfərlik heyət Sultan III Muradın anası Nurbanu Sultan üçün inşa etdirdiyi və XVIII əsrin sonlarında Sultan III Səlim tərəfindən ikinci mərtəbə əlavə etdirdiyi “Validə Sultan köşkü”nün eynisini inşa etmək üçün iki ay Topqapı sarayında incələmələr aparıblar.
Hikmət Həsənov
Ölkə.Az
