Məhkəmə Engin Altan Düzyatan haqqında qərar verdi: “Məcburi gətirilsin”
Məşhurların sosial şəbəkədəki profillərini ələ keçirib şantaj edən şəxslərin məhkəməsi davam edir.
“Ölkə.Az” xəbər verir ki, məhkəmənin son prosesində şahid olan Engin Altan Düzyatanın məcburi gətirilməsi barədə qərar qəbul edilib.
Sezen Aksu, Tamer Karadağlı, Erdal Özyağcılar, Qamze Özçelik, Berk Oktay, Neslişah Düzyatan, Taruk Mengüç, Balçiçek İlter, Bahadır Tatlıöz, Bülent Şakrak, Pınar Altuğ Atacan kimi məşhurların İnstaqram və Tvitter səhifələrinin şifrələrini ələ keçirən dəstə onlardan pul almaq üçün şantaja əl atmışdı. 18 şübhəli şəxs həbs edilərək hakim qarşısına çıxarılıb.
Məhkəmə isə dəfələrlə çağırılsa da, prosesə gəlməyən aktyor haqqında məcburi gətirilmə qərarı çıxarıb.
Hikmət Həsənov
Ölkə.Az
