Türkiyədə Kobani qaçqınları üçün yeni düşərgə tikildi

Türkiyədə 1,6 milyon suriyalı yaşayır.

Ölkə.Az Milliyet qəzetinə istinadən xəbər verir ki, Türkiyənin Şanlıurfa vilayətində İŞİD tərəfindən ələ keçirilmiş Kobani şəhərinin qaçqınları üçün yeni düşərgə açılıb.

Bildirilir ki, bu tikili 35 min nəfər üçün nəzərdə tutulub və Türkiyədə ən böyük düşərgə olacaq. Ümumillikdə respublikanın 10 vilayətində tikilmiş vu düşərgələrdə 250 minlik tutumla 220 min insan yaşayır. Yeni düşərgə 1 milyon kvadrat metr ərazini əhatə edir.

Son məlumatlara əsasən, Türkiyədə ölkəsini yaşanan böhran səbəbilə tərk etmiş 1,6 milyon suriyalı yaşayır. Onlardan 230 min nəfər düşərgələrdə, qalan hissəsi isə Türkiyənin digər iri şəhərlərində məskunlaşıb.

Rəşid Mustafazadə

Ölkə.Az