Ermənistan parlamenti baş nazir seçməyə hazırlaşır
Ermənistan parlamentində baş nazir seçkilərinin vaxtı bəlli olub.
“Ölkə.Az” xəbər verir ki, seçkilərin birinci turu 24 oktyabr tarixinə planlaşdırılıb.
16 oktyabr tarixində baş nazir Nikol Paşinyan parlamenti buraxmaq və növbədənkənar parlament seçkiləri keçirmək məqsədi ilə istefa vermişdi. Eyni gün isə Ermənistan prezidenti Armen Sarkisyan hökumətin istefasını qəbul edib.
Ermənistan konstitusiyasına əsasən, baş nazir və hökumətin istefasından sonra parlament fraksiyası 7 gün ərzində baş nazir postuna yeni namizədi irəli sürməlidir. Əgər parlament səsvermə zamanı baş naziri seçə bilməsə, yeni seçkilər növbəti 7 günə planlaşdırılır. Əgər ikinci dəfə də baş nazir seçilməsə, qanunla parlament buraxılır.
Hikmət Həsənov
Ölkə.Az
