Cefri Feltman: "Mariupolun raket atəşinə tutulması hərbi cinayətdir"

BMT baş katinin siyasi məsələlər üzrə müavini Cefri Feltman Ukrayna hadisələrini şərh edib.

Ölkə.az "Amerikanın səsi" radiosuna istinadən xəbər verir ki, Cefri Feltman bir neçə gün bundan əvvəl Ukrayna ordusunun nəzarətində olan Matiupol şəhərinin separatçılar tərəfindən "Qrad" qurğularından atəşə tutulmasını şərh edərkən bunu hərbi cinayət adlandırıb.

"Bu dəhşətli qətliamın arxasında duranlar mütləq cəzalandırılmalıdır. Bu hərbi cinayətdir", deyə Feltman vurğulayıb.

Xatırladırıq ki, Mariupolun separatçılar tərəfindən atəşə tutulması nəticəsində şəhərdə 30-dan çox dinc sakin həlak olmuş, 100-dən çox insan isə yaralanmışdı.

Ölkə.az