Türkiyədən Rusiyaya duz təklifi

Türkiyə Rusiyaya duz təklif etdi

Ölkə.Az "İzvestiya" qəzetinə istinad edərək xəbər verir ki, Türkiyə Rusiya Federasiyası İqtisad inkişaf nazirliyinin nümayəndə heyəti ilə görüşdə Rusiyaya duz təchizatının həcminin artırılmasını təklif etməyi planlaşdırır. Bu, Ukrayna duzuna qoyulan qadağaya qarşılıq olaraq atılan addımdır.

Bu gün Türkiyə Rusiyaya 50 min tonn duz ixrac edir. Türkiyənin meşə məhsulları və metalların ixracı üzrə departamentin rəhbəri Kaner Bozata bildirib ki, Türkiyə ixrac edilən duzun həcmini artırmağı düşünür. Onun sözlərinə görə, bu fikir hələ Rusiyada ukrayna duzuna qadağanın qoyulması barədə ilk dəfə söhbət gedəndə yaranmışdı.

Bildirilir ki, Türkiyənin 3 ən iri duz ixracatçılarından ikisi - Koyuncu və Emekcioglu Tuz ixracatın artırılmasında maraqlı olduqlarını ifadə ediblər.

Xatırladaq ki, 26 yanvar tarixindən etibarən Rusiya İstehlakçıları hüquqlarının müdafiəsi nəzarəti üzrə federal xidməti (Rospotrebnadzor) yerli duz bazarının 24%-ni təmin edən "Artemsol"dan idxala qadağa qoymuşdu.

Rəşid Mustafazadə

Ölkə.Az