Robert De Nironun restoranında bomba həyəcanı
Məşhur Hollivud ulduzu Robert De Nironun restoranına şübhəli bağlama göndərilib.
“Ölkə.Az” xəbər verir ki, polis bağlamanı hadisə yerindən uzaqlaşdırıb. Bağlamanın dünən bir sıra rəsmi qurumların binasına göndərilən bağlama ilə eyni olduğu öyrənilib. Nyu-York polisi şübhəli bağlamanı hadisə yerindən uzaqlaşdırıb və Bronskdakı binaya aparıb.
ABŞ prezidenti Donald Tramp isə məsələ ilə bağlı Tvitterdə açıqlama verib. Tramp bildirib ki, bombalı bağlama qorxusu mediada qəsdən yer alan səhv və dezinformasiyalı xəbərlər səbəbindən ortaya çıxır. Tramp mətbuata xəbərdarlıq da edib.
De Niro Trampa müxalifliyi ilə tanınır. O, Trampın restoranlarına getməsinə qadağa qoyub.
Hikmət Həsənov
Ölkə.Az