"Rəqiblər əziyyət çəkməsin, özümüz qol vurmağa imkan yaradacağıq"
"Ölkə.Az" "Report"a istinadən xəbər verir ki, 40 yaşlı mütəxəssis əvvəlcə matç haqqında danışıb:
"Təəssüflənirik, dilxoruq. İki oyundur qol imkanları yaradırıq, ancaq yenə uduzuruq. Qoxduğumuz başımıza gəldi. Əks-hücumdan qol buraxdıq. Bəxtə görə şikayət etmək istəmirəm. Bu cür müdafiəsi olan komandanın bəxtdən danışmağa haqqı yoxdur. Rəqiblər əziyyət çəkməsin, özümüz qol vurmağa imkan verəcəyik. Məşqdə hazırlaşdığımız bir çox şeylər alındı".
Abasov rəqibə təzyiq etdiklərini və bunun bəhrəsini gördüklərini bildirib:
"Hər bir oyuna eyni heyətlə çıxa bilmirik. Bu gün Skarlatake yox idi. Belə şeylər bizə bəraət qazandırmır. "Zirə" adına xoş hal budur ki, oyunumuz artır. Bilirəm ki, bu, birdən-birə düzəlmir. Adam topu çıxarda da bilmir ki, hansı zonaya çıxarmaq lazımdır, hardan təhlükə gəlir. Özümü paltardəyişmə otağında söyürəm. Hissiyyatım vardır ki, qol buraxacağıq. Nə qədər təəccüblü görünsə də, oyunumuzu İlkin Muradov apardı. Gördük ki, disbalans yaranıb. Ancaq Muradovun yerini dəyişdikdə də qol buraxdıq. İkinci qola gəlincə, topu vurub çıxarırsansa, TPL-də oynayırsansa, bilməlisən hansı zonaya çıxarırsan".
O, bu oyuna görə çox üzüldüyünü vurğulayıb:
"Udsaydıq, çox şad olardıq. Azarkeşlərimizə demək istəyirəm ki, səbirli olsunlar. Çox xahiş edirəm. "Zirə" rəhbərliyinin istəyi odur ki, layiqli yer tutaq. Alınmayacaqsa, mən və rəhbərlik düzgün qərar verəcəyik. Əlimizdə olan futbolçularla komanda qururuq. Dəyişəcək sehirli çubuğum də yoxdur. Ancaq inanıram və söz verirəm ki, dəyişikliklər olandan sonra "Zirə" ən yaxşılardan olacaq".
Bu gün futbol üzrə Azərbaycan Premyer Liqasında IX tura start verilib.
Ölkə.Az
