Finlandiya Rusiyaya qarşı sanksiyalar tətbiq edəcək

Finlandiya yeni sanksiyalar barədə düşünür.

Ölkə.Az-ın Yle agentliyinə istinadən verdiyi xəbərə görə, Finlansiyanın xarici işlər naziri Erkki Tuomioya bəyan edib ki, lazım olarsa, Rusiyaya qarşı yeni sanksiyalar tətbiq etməyə hazırdır. Lakin hal-hazırda Helsinkidə baş verənlərlə bağlı aydın təsəvvür yoxdur.

Xatırladaq ki, bir müddət öncə Avropa İttifaqının üzv ölkələrinin xarici işlər nazirlərinin Rusiyaya qarşı yeni sanksiyaların tətbiq olunması üçün Avropa Komissiyasına müraciət edəcəyi barədə xəbərlər yayılmışdı.

Avropa İttifaqının diplomatiyası başçısının rəsmi nümayəndərs Maya Kosyançıç bildirib ki, Aİ hələ ki Ukraynadakı vəziyyətlə bağlı hansı yeni sanksiyaların tətbiq olunacağını müəyyən etməyib, ancaq Aİ xidməti mümkün variantları hazırlayıb.

Qeyd edək ki, Avropa İttifaqı üzv-ölkələrinin XİN-in Ukrayna ilə bağlı növbədənkənar iclası cümə axşamı keçiriləcək.

Rəşid Mustafazadə

Ölkə.Az