“Zahid Oruc, camaata dərs keçmə!”
Milli Məclisin bu gün keçirilən iclasında mübahisə yaranıb.
“Ölkə.Az”-ın xəbərinə görə, hadisə deputat Zahid Oruc məhkəmələrə hakim təyinatı layihəsi ilə bağlı çıxışı zamanı baş verib.
Z.Oruc çıxış edərkən deputat Yevda Abramov “Çox danışırsan, səsə qoyaq” replikasını atıb.
Z.Oruc da isə deputat həmkarına cavab verərək “Yevda müəllim, sizə böyük hörmətim var, amma bu fikirləri deməyə hüququm var. İmkan verin, sözümüzü deyək. İclasa gəlmək istəmirsinizsə, gəlməyin” cavabını verib.
Spiker Oqtay Əsədov mübahisəyə müdaxilə edərək Zahid Oruc çıxışını davam etdirməyi tövsiyə edib: “Camaata dərs keçmə. Sözü bir kəlmə dedin, uzatmaq lazım deyil”.
Vasif Həsənli
Ölkə.Az
