Mətn ölçüsü:
  • 100%

Poroşenko Putindən tələb etdi

Poroşenko Putindən girovların azad edilməsini tələb edib.

Ölkə.Az xəbər verir ki, Ukrayna prezidenti Pyotr Poroşenko Minskdə əldə edilmiş razılaşmaya əməl etməsi tələbilə Rusiya prezidenti Vladimir Putinə müraciət edib. O, hərbi pilot Nadejda Savçenko daxil olmaqla, bütün girovların azad edilməsini tələb edib.

"Srağagün mən Vladimir Putinə başlıca elementlərindən biri təkcə atəşin dayandırılması tələbi və Minsk razılaşmalarının yerinə yetirilməsi yox, həm də pilot Nadejda Savçenko və bütün girovların azad edilməsi olan məktub göndərdim", - deyə Poroşenkonun rəsmi saytında yerləşdirilmiş bəyanatda bildirilib.

Məktubda Poroşenko qeyd edib ki, Savçenko Avropa Şurası Parlament assambleyasının nümayəndəsi olaraq beynəlxalq immunitet əldə edib. Bir müddət öncə Savçenkonun azad olunması tələbi ilə rəsmi Vaşinqton Rusiyaya müraciət etmişdi.

Xatırladaq ki, ötən parlament seçkilərində Savçenko Yuliya Timoşenko ilə birlikdə "Batkivşina" partiyasının siyahısına rəhbərlik edərək Ali Radaya seçilmişdi. Hal-hazırda hərbi pilot rusiya həbsxanasında aclıq aksiyası davam etdirir.

Rəşid Mustafazadə

Ölkə.Az