“Spice Girls” qrupu 11 illik fasilədən sonra geri qayıdır

“Ölkə.Az” xəbər verir ki, bu barədə “The Sun” qəzeti məlumat yayıb. Məlumata əsasən, 2007-ci ildə dağılan qrup yenidən fəaliyyət göstərməyə hazırlaşır. Qeyd edilir ki, bununla bağlı video çarx hazırlanıb və gələn həftənin bazar ertəsi video çarx yayımlanacaq.

11 illik fasilədən sonra qrup İngiltərədə qastrol səfərinə çıxacaq. Qrup üzvlərindən isə bir nəfər olmayacaq. Ceri Horner, Melani Cisholm, Melani Braun və Emma Banton qrupda olacaq. Viktoriya Bekhem isə dostlarına qoşulmayacaq.

“Billboard” jurnalı isə qrupun 11 noyabrda Conatan Rosun teleşousunda iştirak edəcəyini iddia edib.

Qeyd edək ki, “Spice Girls” qrupu sonuncu dəfə 2012-ci ildə London Olimpiyadasında səhnəyə çıxıb.

Hikmət Həsənov
Ölkə.Az