Azərbaycanda nikaha girənlərin arayış vermə vaxtı dəyişdirildi

Azərbaycanda Ailə Məcəlləsinə edilən yeni dəyişikliklərin qüvvəyə minmə tarixi dəyişdirilir.

Bu barədə Milli Məclisin Sosial siyasət komitəsinin bu gün keçirilən iclasında Ailə Məcəlləsinə dəyişikliklər müzakirəyə çıxarılıb.

Dəyişikliyə əsasən, “Azərbaycan Respublikasının Ailə Məcəlləsinə dəyişikliklər edilməsi haqqında” 2014-cü il 17 oktyabr tarixli 1080-IVQD nömrəli qanun 2015-ci il iyunun 1-dən qüvvəyə minəcək. Bununla bağlı qeyd olunan qanunun 2-ci maddəsində “yanvarın 1-dən” sözləri, “iyunun 1-dən” sözləri ilə əvəz edilir.

Qeyd edək ki, Ailə Məcəlləsinə edilən dəyişikliklərdə Azərbaycanda nikaha girən şəxslərdən tibbi arayışın tələb olunması öz əksini tapıb.(Trend)

Ölkə.Az