Tanınmamış dövlətlər liqası yaradılır?

Tanınmamış dövlətlər bir araya gələ bilər.

Ölkə.Az Rosbalt agentliyinə istinadən xəbər verir ki, qondarma Donetsk xalq respublikası tanınmamış, qismən tanınmış və dövlət statusu olmauan dövlətlərə "Tanınmamış dövlətlərin liqası" adı altında birlik yaratmağı təklif etmək fikrindədir. Bu barədə özünü elan etmiş DXR-ın xarici işlər naziri Aleksandr Kofman danışıb.

O bildirilib ki, müvafiq liqanın yaradılmasında məqsəd geosiyasi məkanda tanınmamış dövlətlərin rolunu artırmaqdır. Nazir əminliklə qeyd edib ki, bu, təkcə təsdiq olunmamış ərazi və dövlətləri birləşdirməyəcək, həm də beynəlxalq aləm tərəfindən tanınma üçün nəhəng qarşılıq yaradacaq.

Xatırladaq ki, özünü elan etmiş Donets xalq respublikası Cənubi Osetiya, Abxaziya və Bolivar alyansı dövlətləri ilə "Müttəfiqlik və inteqrasiya haqqında" müqavilə imzalamağı planlaşdırır.

Rəşid Mustafazadə

Ölkə.Az