Sədr müavini: \"1992-ci ildə kompüter yox idi, ona görə də sənədlər əllə yazılırdı.\"

"Ölkə.Az" Report-a istinadən xəbər verir ki, bunu mətbuat konfransında Dövlət Sığorta Kommersiya Şirkətinin sədr müavini Aftandil Hacıyev deyib. 

O bildirib ki, şəhid vərəsələri sığorta ödənişlərini Əmanət Bankında alıblar: "Əmanət Bankında vərəsələr üçün əmanət hesabı açılıb. Bununla bağlı da sənədlər var. Bəzi vətəndaşlar pullarını hesabda saxlayıblar ki, üstünə faiz gəlsin".

A.Hacıyev qeyd edib ki, Ədliyyə Nazirliyinin Qeydiyyat və Notariat Baş İdarəsində də müvafiq sənədlər saxlanılır.

Daha sonra o, "Vaxtilə sığorta ödənişi alan şəhid hərbi qulluqçuların vərəsələri tərəfindən 200-dən çox ərizə daxil olub. Onların arasında kollektiv formada və ya fərdi qaydada ərizələr də var, gələn şikayətlərin 20-30 faizi araşdırılıb." deyə söyləyib.

"99 nəfər ərizə yazıb ki, biz şəhidlərin pulunu almamışıq. Amma onlar heç ad yazmayıb və hansı şəhidin yaxını olduğunu demirlər. Sadəcə nömrə qoyublar. Biz onların hər biri ilə əlaqə saxlamışıq. Gələn hər bir şikayət araşdırılır. Digərlərinə isə aidiyyatı qurumlardan sənəd alındıqdan sonra cavab veriləcək".

Ölkə.Az