Qəzzaya yardım dayandırdı

BMT -nin Yaxın Şərqdən olan qaçqınlar üzrə agentliyi iş və yardım agentliyi maliyyə çətinlikləri ucbatından Qəzza şəhərində evləri dağılmış on minlərlə fələstinliyə humanitar yardımı dayandırıb.

Ötən yay baş vermiş Fələstin-İsrail münaqişəsi zamanı gedən döyüşlər nəticəsində əhalinin dördə bir hissəsindən çoxu məcburi köçkün düşüb.

İsrailin artilleriya və aviazərbələri nəticəsində şəhərin əksər yaşayış məhəllələri viranəliyə çevrildiyindən, minlərlə insanlar hələ də BMT nəzdində olan məktəblərdə qalır. Şəhərin yenidən qurulması üçün BMT tikinti materialları göndərsə də, yardım fondundakı vəsaitin tükənməsi ilə əlaqədar yardım dayandırılıb.

2 gün əvvəl BMT rəsmisi bəyanatla çıxış edərək Qəzzada soyuq keçən qış aylarında uşaqların donvurmadan öldüyünü, ona görə də şəhərdə yeni yaşayış binalarının tikintisini “ölüm-dirim”məsələsi olduğunu xəbərdar edib.

Qahirə konfransında beynəlxalq donorlar 5.4 milyard dollar yardım vədd etsələr də, BMT-nin Yaxın Şərq qaçqınlarıyla iş və yardım agentliyinə həmin məbləğin yalnız 135 milyon dolları çatıb. Qurumun direktoruna görə, Qəzzada insanlar acınacaqlı vəziyyətdə yaşadığı halda beynəlxalq ictimaiyyət onların minimum yaşayış tələblərini belə yerinə yetirə bilmir. 2014-cü ildə 1 ay 2 həftə 4 gün davam etmiş İsrail-Qəzza münaqişəsi nəticəsində 2300-ə yaxın fələstinli həlak olub, şəhər infrastrukturu, yaşayış məhəllələrinin çoxu darmadağın edilib. Hazırda minlərlə fələstinli yaranmış vəziyyətlə əlaqədar dağılmış evlərdə yaşamağa məcbur qalıb. (anspress)

Ölkə.Az