İngiltərədə 43 yaşlı qadın 21-ci uşağını dünyaya gətirdi

“Ölkə.Az” xəbər verir ki, Noel və Syu Redford cütlüyü İngiltərənin ən böyük ailəsi hesab edilir. Ailənin 21-ci üzvü bir neçə gün əvvəl doğulub. Bonni adlı qızın doğuş vaxtı çəkisi 3.74 kq olub.

Cütlük bundan sonra uşaq sahibi olmamaq qərarına gəlib. 21-ci övladını dünyaya gətirən “super ana” ləqəbli Syu həyatının 800 həftəsini hamilə olaraq keçirib. Hər il 1-2 övlad dünyaya gətirən Syuya həkimlər hər doğuşdan sonra “Gələn il yenə görüşərik” deyiblər.

Syu Noel ilə 7 yaşı olanda tanış olub. 14 yaşında ilk övladını dünyaya gətirib. 17 yaşı olanda isə ikinci övladını doğub. Bir müddət sonra cütlük ailə qurub. Hazırda ailənin ən böyük övladının 29 yaşı var. İkinci övlad Sofinin 24 yaşı var və indidən 3 uşaq anasıdır.

10 otaqlı evdə yaşayan ailə hər gün 18 şüşə süd, 4 tualet kağızı rulonu və 3 paket qarğıdalı lopası istifadə edir.

Gündə 9 saat evdəki paltaryuyan maşın işləyir. Yatmadan əvvəl isə ailənin hamam ehtiyacı 3 saat davam edir.

Ölkə.Az