Latviyada qondarma respublika yaradılır?

Latqal Xalq Respublikası.

Ölkə.Az Delfi nəşrinə istinadən xəbər verir ki, Latviyanın təhlükəsizlik polisi sosial şəbəkələrdə "Latqal Xalq Respublikası" ideyasının yayılması faktı üzrə yoxlamalara başlayıb.

Facebook sosial şəbəkəsində "Latqal Xalq Respublikası" yazılı bayraq şəkli və Latviyadan ayrılmış Latqaliyanın xəritəsi hüquq-mühafizə orqanlarını narahat etməyə başlayıb. Təhlükəsizlik polisindən qeyd ediblər ki, ictimai məkanlarda Latviyanın ərazi bütövlüyü prinsipini şübhə altına salan fikirlərin yayılması birbaşa Rusiyanın geosiyasi maraqlarına xidmət edir.

Ölkənin maraqlarına zidd şəkildə Latviya bayrağının istifadə edilməsi hallarının artması ilə əlaqədar olaraq təhlükəsizlik polisi əhalini oxşar hallar barədə təcili şəkildə xəbər verməyə çağırıb.

Xatırladaq ki, bir müddət öncə Latviyanın Rusiya ilə sərhədində Latqaliya adlı bölgədə separatçılığı təbliğ edən fəalların üzə çıxması barədə xəbərlər yayılmışdı. Bildirilirdi ki, onlar Latqaliyanın Rusiya federasiyasına birləşdirilməsini tələb ediblər.

Ölkə.Az olaraq Latviyanın yerli hüquq-mühafizə orqanlarını narahat edən fotoları sizlərə təqdim edirik:

ПБ проверяет распространение в соцсетях идеи "Латгальской народной республики"