Bu gün Premyer Liqanın XII turun son iki oyunu keçiriləcək
“Ölkə.Az” xəbər verir ki, hər iki qarşılaşma paytaxtda baş tutacaq. “Bayıl Arena”da “Səbail” ilə “Neftçi”qarşılaşacaq. Hazırda "ağ-qaralar" 26 xalla lider, "ağ-mavilər" isə 20 xalla 3-cü pillədədir.
Bu komandalar indiyədək 5 dəfə üz-üzə gəliblər. Cəmi 1 dəfə "Səbail", 4 dəfə "Neftçi" qalib gəlib, heç-heçə isə hələ qeydə alınmayıb.
Digər oyunda isə “Zirə” ilə “Sumqayıt” üz-üzə gələcək. Görüş “Dalğa Arena”da baş tutacaq. Ötən mövsümlə müqayisədə indi hər iki komanda çətin günlərini yaşayır. "Sumqayıt" 11 xalla 6-cı, "Zirə" 6 xalla 8-ci pillədə qərarlaşıb.
Komandalar indiyədək 13 dəfə üz-üzə gəliblər. Əvvəlki görüşlərin 6-da "Zirə", 4-də "Sumqayıt" qələbə qazanıbsa, 3 görüşdə qalib müəyyənləşməyib.
17:00. “Səbail” – “Neftçi”
Hakimlər: Rauf Cabbarov, Cəmil Quliyev, Vüqar Bayramov, Sərxan İsmayılov
"Bayıl Arena"
19:00. “Zirə” – “Sumqayıt”
Hakimlər: Səbuhi Bayramov, Mübariz Haşımov, Nahid Əliyev, Rəhim Həsənov
“Dalğa Arena”
Ölkə.Az